Ардын төрийн 77 жилийн ойн баяр наадмын тойм

Үндэсний их баяр наамдын 77 жилийн ойн хурдан морьдын уралдааны азарганд Увс, Дундговь, Хэнтий, Сэлэнгэ, Хөвсгөл, Архангай, Булган, Өвөрхангай Дорноговь, Говьсүмбэр, Завхан зэрэг 13 аймаг, хотоос ирсэн 520 адуу гараанаас гарсан юм. Үүнээс:
1. Монгол улсын Алдарт уяач Э.Ганбатын хүрэн
2. Аймгийн Алдарт уяач С.Төртогтохын халтар
3. Аймгийн Алдарт уяач Д.Тогоогийн  сартай хээр
4. Төв аймгийн Борнуур сумын Р.Дуламсүрэнгийн хүрэн
5. Монгол улсын Тод манлай уяач Ц.Хэнмэдэхийн зээрд хурсан олон, наадамчин олныг баясгалаа.
Их нас
1. Нийслэлийн Алдарт уяач Д.Зандансүрэнгийн халиун
2. Монгол улсын Тод манлай уяач Д.Ононгийн Аварга хээр
3. Улаанбаатар хотын харьяат Д.Мянганбаярын хээр
4. Монгол улсын Тод манлай уяач Ц.Хэнмэдэхийн цавьдар
5. Төв аймгийн Баян-Өнжүүлийн Н.Энхтөрийн сартай хул
Соёолон
1. Аймгийн Алдарт уяач О.Баасандашийн хул
2. Монгол улсын Алдарт уяач Д.Дагвадоржийн Салхин зээрд
3. Монгол улсын Тод манлай уяач Г.Батхүүгийн Зул хонгор
4. Аймгийн Алдарт уяач Г.Буяндашийн хонгор
5. Аймгийн Алдарт уяач Ё.Хүрлээгийн хул
Хязаалан - 520
1. Монгол улсын Манлай уяач С.Жамбалын ухаа
2. Монгол улсын Алдарт уяач Ч.Дугарсүрэнгийн саарал
3. Монгол улсын Алдарт уяач А.Алтангадасын цавьдар
4. Төв аймгийн Зуунмодын Жигжидсүрэнгийн буурал
5. Монгол улсын Тод манлай уяач Г.Батхүүгийн Цавцгар шарга
Шүдлэн
1. Монгол улсын Тод манлай уяач Д.Ононгийн Өлгөр хонгор
2. Монгол улсын Алдарт уяач Л.Дэмбэрэлийн Хилэн хар
3. Монгол улсын Манлай уяач Ц.Баастын хонгор
4. Сэлэнгэ аймгийн Баянгол сумын Х.Мягмардоржийн Хүрэн халзан
5. Төв аймгийн Борнуур сумын Д.Амарсайханы хүрэн
Даага
1. Төв аймгийн Баян-Өнжүүлийн Д.Нанжидын цавьдар
2. Монгол улсын Алдарт уяач Г.Ганхүүгийн цавьдар
3. Сэлэнгэ аймгийн Зүүнбүрэн сумын Эрдэнэбилэгийн сартай хар
4. Монгол улсын Манлай уяач Ц.Баастын хул
5. Төв аймгийн Батсүмбэр сумын П.Мөнхбаатарын хүрэн халзан
Ийнхүү ардын төрийнхөө баяр наадамд Монгол улсын Тод манлай уяач Ц.Хэнмэдэх зээрд азаргаа айргийн таваар, их насанд цавьдар адуугаа айргийн дөрвөөр хурдлуулсан. Харин Монгол улсын Тод манлай уяач Г.Батхүү соёолонд зул хонгороо, хязааланд цавцгар шаргаа тус  тус айрагдуулсан одтой наадагсдын нэг байлаа. Монгол улсын Манлай уяач Ц.Бааст ч хонгор шүдлэнгээ айргийн гурваар, хул даагаа айргийн дөрвөөр хурдлуулж  төв цэнгэлдэхийн зүлэг ногоон дэнжээ цулбуур өргүүлсэн юм. 

Тэгвэл хүчит бөхийн барилдаанд аймгийн арслан Моломжамц, Ганбат, Пүрэвсүрэн, Доржбат, Баттулга, цэргийн арслан Мягмарсүрэн, цэргийн начин Намдаг нарын 7 бөх Монгол улсын Начин цолоор энгэрээ мялаасан юм. Хүчит 512 бөх барилдсанаас их шөвөгт Монгол улсын Далай даян дархан аварга Б.Бат-Эрдэнэ, улсын аварга О.Балжинням, улсын заан Цэрэнпунцаг, улсын заан Д.Сумъяабазар нар тус тус шалгарч үлдсэн. Харин үзүүр түрүүнд Монгол улсын Далай даян дархан аварга Б.Бат-Эрдэнэ, залуу заан Д.Сумъяабазар нар үзүүр түрүүнд үлдэж, Д.Бат-Эрдэнэ аварга төрийнхөө наадамд 10 дахь жилдээ завсаргүй түрүүлсэн билээ.