"Мандал-Алтай" групын Ерөнхийлөгч С.Балдандорж: Би чинь гурван Манлай тбрүүлсэн хүн шүү

-Төрийнхөө их баяр наадамд их морь түрүүлгэн өмтэй сайхан наадсан танд баяр хүргэе?
-Баярлалаа та бүхэнд. Монголынхоо нийт ард түмэнд баярын мэнд хүргэе. Хонгор морь маань наадмын өмнөх сунгаануудад өнгөтэй сайхан давхиж, гурван сунгаанд гурвууланд нь түрүүлж байсан.
-Хонгор морь хаанахын ямар угшлын адуу вэ? Амжилтын товчооноос хуваалцвал?
- Дорноговь аймагт зохиогддог Говийн догшин хутагт Данзанравжаа гэгээнтний наадамд түрүүлж байсан. Энэ жил арван настай, над дээр есөн настайдаа ирсэн авмал адуу байгаа юм.
-“Их хурд”-д уралдсан биз дээ. Дуулдахгүй байсан?
-Улсын наадамд түрүүлсний дараа “Их хурд”-д уралдах урилга өгсөн ч бид нутагтаа уралдуулахаар Алтай руугаа аваад ирсэн.
-Энэ жил зургаан насанд хичнээн адуу уяв?
-Нас насанд нэгийг уясан. Бүгд л сайхан 50-иас дотогш давхилаа.
-Ингэхэд Балдандорж захирал хэзээнээс хурдан морь сонирхох болсон бэ?
-1921 оноос/инээв/. Тоглосон юмаа. Дээр үед ээ. Их олон жил болж байна даа. Гурван настайдаа анх хурдан морь унаж байлаа. Ямар ч байсан сум аймагтаа морь мал айрагдуулдаг л байлаа. Харин уяач болсон тухайд бол 1990 оноос гэхүү дээ.
Алтай нутгаасаа ганц нэг адуу авч уралдуулдаг байсан. Сүүлийн үед бусдын жишгийг дагаад ганц нэг эрлийз адуу гаргаж авч  л байна.
-20 жил адуутай амьдралаа холбожээ. Энэ хугацаанд хичнээн айраг түрүү хүртэв?
-2005, 2006, 2007 оны улсын наадмуудад даага, шүдлэн, хязаалан айрагдуулж, Зүүн бүсийн даншиг наадамд алтан үст ухаа морио түрүүлгэж байсан.
Бүсийн наадмуудаас гэвэл олоон олон 20-иод айраг түрүү авсан.
-Тэгвэл Тод манлайн болзол хангачихсан юм байна шүү дээ?
-Би чинь гурван Манлай төрүүлсэн хүн шүү. Дундговь аймгийн харьяат Батчулуун, Төв аймгийн Баянцогт сумын уугуул Одгэрэл нар миний морьдын амжилтаар МУ-ын Манлай уяач цолонд хүрсэн. Одоо бол миний морийг Дундговь аймгийн харьяат МУ-ын Алдарт уяач Цэрэнбал гэдэг хүн уяж байгаа. Сая Манлай уяачийн болзол хангасан.
Баярлалаа.

"Тод магнай" сэтгүүл дугаар №6