МУ-ын Манлай уяач Д.Одгэрэл: Аятайхан хөнгөрүүлчихвэл давхих адуу

-Хамгийн хийморьтой гэгддэг соёолон айрагдуулсан танд баяр хүргэе?
-За баярлалаа. Та бүхэнд ч гэсэн баярлалаа. Бор соёолон Хэнтий аймгийн Баян-Адарга сумын уугуул Базарсадын унаган адуу. “Ану сервис” компанийн захирал Б.Буяннэмэх гэдэг хүн өнгөрсөн жил хязааланд нь аваад надаар уяулж байгаа юм.
-Хязааландаа ямар амжилт үзүүлж байсан бэ?
-Улсын наадамд наймлаад, Баянхонгор аймагт  болсон Ламын Гэгээн Лувсанданзанжанцаны мэлмий гийсний 370 жилийн ойн баяр наадамд арваар давхисан.
-Энэ жил зургаан насанд хичнээн адуу уясан бэ?
-20 гаруй адуу уясан. Шүдлэн зургаалж, бусад нь арав гараад орж ирсэн. 
 -“Их хурд”-д морь мордуулсан уу? Бүсийн уралдаануудаас хаашаа явахаар төлөвлөж байна?
- “Их хурд”-д морь мордуулсан ч айхтар давхиагүй ээ. Одоо Говь-Алтай аймгийн бүсийн наадамд оролцохоор явж байна.  Энд зургаан насны морьтой явж байна.
-Соёолонгийнх нь уяаны онцлог?
-Аятайхан хөнгөрүүлчихвэл гайгүй дээ, давхих адуу. Нэг их онцгойроод байх юмгүй дээ.

"Тод магнай" сэтгүүл дугаар №6