“Монгол жоки”-н уралдаан хойшиллоо

Монгол Жоки Клубээс цэвэр цусны болон эрлийз адууны хаврын уралдааныг гуравдугаар сарын 31-нд хийхээр зар тараагаад байсан билээ. Ойрын зайн сонгодог уралдааныг эх орондоо хөгжүүлэх зорилго өвөрлөсөн тус хамт олон энэ удаад уралдааны бай шагналд авсан хураамжнаас гадна 24 сая төгрөг төсөвлөөд байсан аж. Үүнд гарааны төхөөрөмж, Герман улсад үйлдвэрлэсэн мэргэжлийн унаачийн хувцас хэрэглэл, телевиз, том дэлгэц, номер, барианы хэрэгсэл, танилцуулга материалууд, цутгамал медаль, цом зэрэг уралдаанд шаардлагатай бүхий л зүйлийг бэлэн болгосон байснаа дуулгасан юм. Гэвч ММСУХ-ны энэ сарын 26-ны өдөр гарсан хурдан морины уралдааныг түр хугацаагаар хориглох шийдвэрийн дагуу уралдаан хойшилжээ.

А.Мөнх