Саад харайлтын тэмцээн боллоо

Спортын мастер Д.Батбаяр агсаны нэрэмжит сонгомол морин спортын саад харайлтын тэмцээн энэ сарын 8-ны буюу бямба гарагт Яармаг дахь Морин Спорт Сургалтын төвд амжилттай болж өнгөрлөө. Тэмцээнд 11 тамирчин өрсөлдснөөс Морин Спорт Сургалтын Төвийн тамирчин Чулуунбатын Ууганбаяр түрүүлж өргөмжлөл алтан медаль, мөнгөн шагнал хүртсэн бол удаах байрыг Алтайконстракшн “Алтайклубын” тамирчин Баярсайханы Хишигжаргал эзлэн өргөмжлөл мөнгөн медаль мөнгөн шагналын эзэн болсон юм. Харин гуравдугаар байрыг “МоринДаллага” клубын тамирчин Лувсанбалдангийн Мягмарбаяр эзэлж өргөмжлөл, хүрэл медаль мөнгөн шагналаар шагнуулжээ. Тус тэмцээн зэргийн болон нэрэмжит гэсэн 2 ангилалаар зохиогдсон бөгөөд МСС Төвийн тамирчин Ганхуяг болон “МоринДаллага” клубын тамирчин Ө.Оюундарь нар морин спортын III зэргийн болзлыг хангасан байна.

Л.Мягмарбаяр