Нийслэлийн Алдарт уяач Т.Ихбаяр: Их наснаас хоёр айраг хүртлээ

-Сайхан наадаж байна уу та. Хоёр морио айрагдууллаа. Баярынхаа сэтгэгдлээс хуваалцахгүй юу?
- Сайхан наадаж байна. Баяртай байлгүй яахав хоёр халзан морио айрагдууллаа. Нэг морь аман хүзүү, нөгөө нь айргийн таваар давхилаа. Сэтгэл их өндөр байна.
- Төрийнхөө их баяр наадамд хишиг хүртээд байгаа хурдан хүлгэдийн угшил хаанахынх бэ?
- Аман хүзүүнд давхидаг нь хонгор халзан нь Сүхбаатар аймгийн Онгоны, таваар давхидаг хүрэн халзан морь маань Эрдэнэтийн адуу байгаа юм.
- Улсын наадмаасаа өмнө хаана уяаг нь шалгасан бэ? 
- Өмнө нь уралдаагүй байж байгаад, дан уяагаар улсынхаа наадамд ирлээ. Сунгаануудад бол сайн л байсан.
- Хэдэн насны адуутай ирсэн бэ?
-Зургаан насны морьдоо уясан байгаа. Өчигдөр хязааланд бор үрээ арван хэдээр орсон байгаа.  Гэхдээ энэ жил хаа сайгүй ханиад гараад хэцүүхэн л байна. Энэ ханиад бага насны адуунд их халтай юм. Манайхны бага адуу  ханиад хүрээд нэлээн хүндэрсэн. Гэхдээ одоо дажгүй ээ.
-Улсын наадмыг  залгаад бүсийн наадмууд үргэлжилнэ. Хаана очиж наадах төлөвлөгөөтэй байна вэ?
-Хурдан морины олимп гэгддэг “Их хурд”-даа морьдоо уралдуулна паа.
-Ярилцсанд баярлалаа. Дараа дараагийн уралдаануудад тань амжилт хүсье.