Тод манлайн тодорсон зээрд

Хийморь лундаа, аз одны бэлгэдэл болсон соёолон насны морьдын уралдааныг Говь-Алтай аймгийн Баян-Уул сумын уугуул, Улаанбаатар хот дахь Говь-Алтай аймгийн нутгийн зөвлөлийн дарга, Тод манлай уяач Дагвадоржийн Ганбаатарын зээрд өнгөлөн, магнайдаа тоосгүй түрүүлсэн билээ.
АХ-ын  94 жилийн ой, төр түмнийхээ их баяр цэнгэл наадмаас хоёр түрүү, хоёр айраг хүртэн одтой сайхан наадсан Алтай нутгийн хүүгийн аз хийморийн бэлгэдэл зээрд үрээг товч танилцуулбаас:
УДАМ, УГШИЛ
Эцэг: Шүдлэн, хязаалан, соёолондоо улсын наадамд айрагдаж,  “Тамирын хурд”-д түрүүлж, “Алтан Овоо”-ны төрийн их тахилга болон Өндөр Гэгээн Занабазарын мэлмий гийсний 370 жилийн ойн даншиг наадамд тус тус айрагдаж байсан Д.Ганбаатарын Сарт хүрэн азарга.
АМЖИЛТЫН ТОВЧООН:
Шүдлэн цагаас уягдсан.
2014 онд хязаалан:
АХ-ын 93 жилийн ой, үндэсний их баяр наадамд арав гаргаж давхисан
Ламын Гэгээний 375 жилийн ой, говийн бүсийн уралдаанд аман хүзүү
2015 онд соёолон:
АХ-ын 94 жилийн ой, үндэсний их баяр наадамд түрүү

А.Энхжил