Н.ХҮРЛЭЭГИЙН НОГООН

Яруу саарал, Бүс халзан зэрэг хурдан хүлгүүдээрээ морь сонирхогчдын эчээ танил болсон Өмнөговь аймгийн Булган сумын уугуул, Монгол Улсын Манлай уяач Намдагийн Хүрлээгийн ногоон үрээ АХ-ын 95 жилийн ой үндэсний их баяр цэнгэл наадамд есөд давхиж, давхар уяагаар Таван толгойн нүүрсний уурхайн 50 жилийн ой говийн бүсийн уралдаанд айргийн тавд хурдалсан билээ.
Удам, угшил:
Сүхбаатар аймгийн Мөнххаан сумын харьяат, аймгийн Алдарт уяач олноо “бураа” хэмээн алдаршсан Пүрэвжав агсны хүү Бүнчингийн унаган адуу. 
Эцэг: Пүрэвжав агсны хүү Батхүрэлийн Мөнххаан сумын 80 жилийн ойд айргийн тавд хурдалж байсан саарал азарга. Саарал азарганы эцэг халиун азарга Мөнххаан сумын 70 жилийн ойд түрүүлсэн. Түүний эцэг /халиун азарганы/ хонгор азарга Мөнххаан сумын 60 жилийн ойд аман хүзүүдсэн.
Эх: П.Бүнчингийн хонгор гүү.
Саарал азарга, хонгор гүү хоёрын төл ногоон үрээний ах хонгор азарга Мөнххаан сумынхаа баяр наадамд нэг түрүүлж, хоёр айрагдаад байгаа аж.
Амжилтын товчоон:
2016 онд хязаалан:
Сүхбаатар аймгийн аварга хүлэг шалгаруулах “Жавхлант шаргын хурд-2016” уралдаанд найм
АХ-ын 95 жилийн ой үндэсний их баяр цэнгэл наадамд ес
Таван толгойн нүүрсний уурхайн 50 жилийн ой говийн бүсийн уралдаанд айргийн тавд
А.Энхжил