Мэндээ халтар буюу ГРИМ

 Монголын эрлийз адууны үржлийн түүхэнд ул мөрөө гүн үлдээсэн ММСУХ-ны Алтан азарга өргөмжлөлт Мэндбаярын халтар азарганы угшил түүхийг мэдэх хүн бага байдаг тул доор товч сийрүүлэв.

2001 оны хавар Агийн Буриадын Зугалай тосгоны адуу үржүүлэгч Цэрэндорж Грусть нэртэй гүүгээ Оросын төв европын хэсгээс ирсэн нилээд хэд уралдаж түрүүлээд байсан Рэйн нэртэй азарганд хураалгажээ . Грусть бол өөрөө англи давамгайлсан гүү бөгөөд түүний эхийн эх үүлдэр гарвал тодорхой бус байдаг. Харин бусад адуу нь бүгд цэвэр англи адуу юм. Ингээд дараа жилийнх нь хавар буюу 2002 оны хавар Цэрэндоржийн Грусть дуудлагатай гүүнээс ирээдүйн Монголын Алтан азарга Мэндбаярын халтар азарга мэндэлжээ. Тэрээр 2005 оноос хязаалангаасаа хавчиг хүртлээ нэлээд хэд хэд уралдаж хэд хэдэн айраг, түрүү авсаны дотор 2008 онд Эрхүү хотод болсон “Алтаргана” наадамд гуравт, мөн ондоо Эгитуй Дацангийн шагналт зургаан  километрийн уралдаанд түрүүлж автомашинаар шагнуулсан нь чамлахааргүй амжилт байлаа.

Түүний албан бичиг баримтын нэр нь Грим .Түүнд бас эцэг эх нэгтэй Гринго гэж дүү байсан бөгөөд тэр мөн хожим Монголд ирсэн. Гримийн эхийн хувьд онцгойлон хурдалсан амжилт болон түүнд алдартай удам ойрын хоёр үедээ байхгүй. Харин эцэг Рэйнд бол 1986 онд Украйны Днепропетровск хотын морин заводод төрсөн .Тэрээр албан ёсоор ес уралдаж, хоёр түрүүлсэн амжилттай. /Пятигорскийн тойруулгад/ Хожим Чита мужид ирээд хэд хэд уралдсан бөгөөд нийт уралдааныхаа 50 хувьд нь түрүүлсэн. Дружба нэртэй хамтрал тухайн үед Рэйндийг худалдан авч Читад авчирсан аж. Харин Рэйндын эцэг Этен бол 20-р зууны Оросын хамгийн шилдэг хүлэг гэж хүлээн зөвшөөрөгддөг домогт Анилины төл азарга байсан бөгөөд 11 уралдаж,  тав түрүүлсний дотор Бүх Холбоотын Дэрбид түрүү багтдаг.

Мэндбаярын халтар азарганы төл болгон нь шахуу хурдалж байгаа бөгөөд улс, бүсийн уралдаанд түрүүлж, айрагдсан хүлгүүдийг танилцуулж байна.

2011 оны улсын баяр наадмын эрлийз дунд насны ангилалд Тод манлай уяач Б.Далайн хээр айргийн дөрөв

2012 оны төвийн бүсийн уралдаанд  Тод манлай уяач Б.Далайн халтар даага түрүү

2013 оны зүүн бүийн уралдаанд Сүхбаатар аймгийн Дарьганга сумын харьяат Нямсүрэнгийн хул даага түрүү

2013 оны улсын баяр наадамд Д.Одхүүгийн хээр шүдлэн түрүү

2013 онд улсын баяр наадамд Э.Анарын хээр шүдлэн түрүүлж ирээд хасагдсан

2013 оны улсын баяр наадмын эрлийз дунд насны ангилалд Ц.Элбэгдоржийн Эрдэнэ хээр түрүү

2014 оны улсын баяр наадамд эрлийз бага насны ангилалд Тод манлай уяач Б.Далайн зээрд түрүү

2014 оны улсын баяр наадмын эрлийз дунд насны ангилалд МУ-ын Алдарт уяач Э.Анарын Буган хээр хязаалан түрүү

2014 оны төвийн бүсийн уралдаанд  Мөнхсайханы Ёндоо хээр айргийн гурав

2016 оны төвийн бүсийн уралдааны эрлийз дунд насны ангилалд  Чинбатын Гарьд хээр түрүү

2016 оны улсын баяр наадмын эрлийз дээд насны ангилалд МУ-ын Алдарт уяач Э.Анарын бор халзан айргийн гурав

2016 оны улсын баяр наадамд Ж.Уясахын бор шүдлэн түрүү

2016 оны улсын баяр наадамд аймгийн Алдарт уяач Б.Доноодойн хээр даага түрүү

2016 оны зүүн бүсийн уралдаанд Б.Доноодойн хээр даага түрүү

2017 оны улсын баяр наадмын эрлийз дээд насны ангилалд  Б.Чинбатын Гарьд хээр түрүү

2017 оны улсын баяр наадамд  Ж.Уясахын бор хязаалан түрүү

2017 оны зүүн бүсийн уралдаанд МУ-ын Алдарт уяач Э.Анарын бор халзан түрүү

2018 оны төвийн бүсийн уралдааны эрлийз дунд насны ангилалд Б.Доноодойн  хээр түрүү

Дундговь аймгийн 70 жилийн ойд Баярсайханы халтар даага түрүүл

2018 оны улсын баяр наадамд  Б.Нямжавын хээр хязаалан айргийн тав

2018 оны төвийн бүсийн уралдаанд Э.Анарын бор халзан азарга аман хүзүү

2019 оны төвийн бүсийн уралдаанд Б.Доноодойн хээр түрүү

Угшил АМГАЛАН