Тод манлай уяач Ө.Пүрэвбаатар: Морь цоллох нь хүүхдийн урмыг сэргээж, хүлгийн хийморийг дэврээдэг сайхан зүйл

Архангай аймгийн Төвшрүүлэх сумын уугуул, Тод манлай уяач 

-Морин уралдаан гэдэг монголын том өв соёл, уламжлал юм. Тиймээс хүн бүр эрхэмлэн дээдлэх учиртай.

-Унаган адуугаа төрийнхөө баяр наадамд айрагдуулах уяачийн хамгийн том бахархал байдаг юм байна.

-Сайн их морь өм нээдэг гэдэг.

-Морь цоллох нь хүүхдийн урмыг сэргээж, хүлгийн хийморийг дэврээдэг сайхан зүйл.

-Уяач өөрийнхөө адуу малыг чин сэтгэлээсээ хайрлахад хүн малын дунд үл үзэгдэх далд холбоо үүсч бие биенээ мэдэрдэг юм шиг санагдсан шүү.

-Монгол Улсад том бизнес хөгжихийн эхлэл тавигдаж буй энэ үед нийгмийн баялгийн хуваарилалтанд морин уралдаан чухал үүрэг гүйцэтгэж байгаа гэж би хувьдаа хардаг. Хамгийн наад зах нь бизнес эрхлээд тодорхой хэмжээний ашиг олж, амьдрал ахуй нь хүрэлцээтэй болсон бизнесменүүд хөдөө рүүгээ, малчид руугаа хандсан хөрөнгө оруулалт хийж байна. Хэрвээ энэ бизнесменүүд морь сонирхдоггүй гадны өөр спортыг сонирхдог байсан бол өнөөдөр мориор дамжин малчдад шууд хүрч байгаа их хэмжээний хөрөнгө оруулалт гадагшаа л гарах байсан.

-Морин уралдааныг дан хараар будахаасаа илүүтэй сайн талыг нь харж, саар болохгүй байгааг нь засч залруулах талаар хэлэлцэх нь зүйтэй байх гэж бодож байна.

"Тод ишлэл" номноос...