Ц.Октябрь:Хүрэн даага Далайван угшлын адуу

-Хурдны өлгий нутгийн хийморилог уяач танд уншигчдынхаа өмнөөс баяр хүргэе. Баяр наадмын сэтгэгдлээсээ хуваалцахгүй юу?
-Сэтгэл их өндөр байгаа. Анх удаа улсын наадамд ирж уралдаад даагаа айрагдуулсандаа баяртай байгаа.
-Улсыг наадмыг зориход  эрлийз  адууг ялгах тухай шийдвэр нөлөөлсөн үү?
-Тиймээ, тэрийг дуулаад л даагаа аваад гарсан.
-Тэр холоос ганцхан даагатай ирсэн хэрэг үү?
-Тэгсээн, ганц даагатай л ирсэн.
-Даагандаа итгэл дүүрэн байжээ дээ?
-Манай Мөнххаан сумын наадамд 7-р сарын 2-нд болж хүрэн даага маань түрүүлсэн юм. Тэгээд л улсын наадмыг зорьсон доо.
-Дааганыхаа угшил гарвалын талаар танилцуулаач?
-Манай Мөнххааны унага, Далайван угшилтай адуу. Монхоолойн Энхбаатар гээд манай найз надад хээлтэй гүү бэлэглэсэн юм. Эцэг нь тэдний дэлдэн хар азарга юм билээ.
-Хэзээнээс хурдан морь сонирхох болсон бэ?
- Миний эцэг Цэвээн хурдан моринд сонирхолтой сум орон нутагтаа сайхан наадчихдаг хүн байсан. Миний хувьд сүүлийн 2-3 жил морь уяж байна. Морьдын маань уяа сойлгыг Алтангэрэлийн Доржрагчаа гэж манай нутгийн залуу тааруулдаг.
Ярилцсанд баярлалаа.