Б.Мөнхтөр Манлайн мялаалга ирэх сард болно

Ховд аймгийн Дарви сумын  уугуул Монгол улсын Манлай уяач Батчулууны Мөнхтөрийн хөдөлмөр алдрыг нутгийн зон олон нь ирэх сарын сүүлээр тэмдэглэхээр зэхэж буй аж. Таван цагаан, бор, Өвгөн хээр зэрэг гурван хурдан хүлгээрээ МУ-ын Манлай уяач эрхэм цолонд хүрсэн энэ хийморилог эрийг мориныхон “хоншоортой” хэмээдэг. Нээрэн ч сүүлийн 6-7 жил хавтай сайхан наадан гуравхан адуугаар  улс бүсийн наадмаас  хоёр түрүү, 17 айраг  хүртээд буй юм.
Түвдэн Манлайн  моринд хөтлөн оруулсан жижигхэн шар банди өдгөө нутгийн нэрийг дуурсгасан том уяач болсон бөгөөд аавыгаа баярлуулсандаа хамгийн ихээр омогшиж явдаг гэсэн.
А.Мөнх