Гомбо-Очир Элдэв-Очир

Төв аймгийн Зуунмод  сумын Ланс 2-р багийн харьяат, аймгийн Алдарт уяач Гомбо-Очирын Элдэв-Очир.  Төв аймгийн баяр наадамд бага гурван насандаа завсаргүй түрүүлсэн хурдан хар азарганы эзэн бол Зуунмод сумын гурав дахь аймгийн Алдарт уяач юм. Төрийн наадамд бор  азаргаа дөрвөнтээ айрагдуулсан дээдсийнхээ залгамж болсон тэрээр 1985 оны өвөл Баянбараат сумын нутаг Арбүрдний голын хойно Хөтөлийн бууцанд айлын дөрөв дэх хүүхэд болон мэндэлжээ. Түүний хөдөлмөр зүтгэлийг үнэлж Төв аймгийн хүндэт иргэн цол тэмдэг, аймгийн ИТХ-ын даргын Хүндэт жуух бичгээр тус, тус шагнасан аж.