Дагважанцан Сүхбаатар

Зүүндэлгэр 4-р багийн харьяат, ахмад уяач  Дагважанцангийн Сүхбаатар 1965 оны өвөл Төв аймгийн Сэргэлэн сумын нутаг Улаан хадны хавцал хэмээх газар айлын тав дахь хүүхэд болон мэндэлжээ. Аав Сэрээтэрийн Давгажанцан Эрдэнэсант сумын хүн бөгөөд морь уях эрдэмд шамдан суралцаэ, 1974 он буюу АХ-ын 53 жилийн ойгоор хар алаг шүдлэнгээ айргийн тавд, 1981 он буюу АХ-ын 60 жилийн ойгоор зээрд халзан хязаалан айргийн дөрөвт тус тус хурдлуулж байсан хийморилог уяач юм. 

Морь уях төрийн хэргийг эцгээс өвлөсөн Д.Сүхбаатар 16 нас хүртлээ хурдан морь унаж, 1988 оноос уясан ч тодорхой шалтгаанаар завсарласаар 2012 оноос тогтмол морь уях болжээ. Түүний хул азарга бага наадамд зургаа айрагдсан бол Баян-Өнжүүл гаралтай хар азарга нь 2016 онд хязааландаа гурван сумын наадамд аман хүзүүдэж, Төв аймгийн баяр наадамд наймд давхижээ.