Цэндээ Батболд

Товч намтар: 1975 оны тавдугаар сарын 23-нд Баянзүрх суманд айлын отгон хүү болон мэндэлсэн. Төрсөн ах Ц.Эрдэнэбат морь уядаг. Түүний болон нутгийнхаа Мянган, Тожил нарын хүмүүсийн морьдыг гурван жил унасан. 1991 онд Баянзүрх сумын найман жилийн сургуулийг дүүргээд, 1993-1994 онд Дорноговийн Улаан-Уулын суман дахь хилийн цэрэгт алба хаасан. 2006 онд анх унаган бор хязааланг уяж төлийн баярт айрагдуулснаас хойш  сумын чанартай наадмаас нэг, овоо тахилга, багийн баяраас хоёр айраг хүртжээ. Дорнод угшилтай хүрэн халзан азарга авснаа сүүлийн жилүүдэд уяж байна.

Амжилт үзүүлсэн аргамаг хүлгүүд:
Бор азарга
Удам угшил: Унаган адуу
Амжилт: Хязаалан төлийн баярт айрагдсан. 2010 онд сумандаа айрагдсан. Мөн Улаан-Уулын Сүмбэр овооны баярт айрагдсан.