Нямдэлэг Баатар

Ховд аймгийн Булган сумын уугуул, Сэлэнгэ аймгийн Жавхлант сумын харьяат, МУ-ын Алдарт уяач Нямдэлэгийн Баатар 1959 оны 4-р сарын 29-нд Булган сумын нутаг Уушгийн улаан хэл хэмээх газар айлын гурав дахь хүүхэд болон мэндэлжээ. 1975 оноос эхэлж хурдан морь уясан бөгөөд улс, бүсийн чанартай уралдаанаас есөн айраг, түрүү хүртэн 2009 онд МУ-ын Алдарт уяач цол хүртжээ. Мөн тэрээр аймгийн гурван удаагийн Аварга адуучнаар шалгарч байсан юм. Түүний уяж байсан хүлгүүдээс хамгийн их нэр цууд гарсан нь Пума буюу Торгон хул азарга нь юм.